Friday, March 3, 2017

სტატიები




Friday, February 24, 2017

სერვისის მიმწოდებლები თბილისში მცხოვრები აუტიზმის მქონე ბავშვებისათვის


1. ბავშვის განვითარების ინსტიტუტი
ახორციელებს ABA (ქცევის გამოყენებითი ანალიზი) თერაპიას, მეტყველების თერაპიას, სენსორულ თერაპიას.

მისამართი: თბილისი, ჭავჭავაძის გამზ. #32
ტელ: 2 22 00 09 (შიდა ნომერი 460)
https://www.facebook.com/cadc.Clinic/

2. ნეიროგანვითარების ცენტრი
ახორციელებს ABA (ქცევის გამოყენებითი ანალიზი) თერაპიას, მეტყველების თერაპიას, სენსორულ თერაპიას.

მისამართი: თბილისი, ლუბლიანას ქ. 2/6
ტელ: 2 52 78 89; 2 52 66 49
https://www.facebook.com/ndc.ge/

Friday, July 3, 2015

რჩევები აუტიზმის მქონე ბავშვის დედისგან


თუ თქვენ გყავთ აუტიზმის მქონე შვილი, მაშინ თქვენ იცით, რომ არსებობს კარგი დღეები და ცუდი დღეები, სასიამოვნო დღეები და საშინელი დღეები. თქვენ გაქვთ დღეები, როცა აუტიზმი ზის უკანა სავარძელზე, მაგრამ გაქვთ დღეები, როცა ის არამარტო წინა სავარძელზეა მოკალათებული, არამედ  მძღოლის ადგილიც კი უჭირავს.
წინა კვირა იყო ჩემთვის ერთერთი იმ კვირათაგანი, როცა აუტიზმს ეჭირა მძღოლის სავარძელი, ამიტომაც  გამოვიფიტე ალბათ ასე. მე ადრე მოგეცით სია უხეში, დამთრგუნველი კომენტარებისა, რომლებიც მიმიღია, როგორც აუტიზმის მქონე ბავშვის მშობელს, რითიც გირჩიეთ, თუ რა არ უნდა უთხრათ აუტიზმის მქონე ბავშვის დედას. „what not to say to mother of a child with autism. მე არ ვბოდიშობ ამის გამო, რადგან წინა კვირაში მე მჭირდებოდა ამ ყველაფრის თქმა და ვთქვი, რის შემდეგაც უკეთ ვიგრძენი თავი.

Tuesday, May 19, 2015

მრავალ არავერბალურ ბავშვს შეუძლია მეტყველების მძიმე დარღვევების დაძლევა

აუტიზმის მქონე ბავშვების მშობლებს ხშირად ეუბნებიან, რომ თუ მათი შვილი არ ამეტყველდა 4-5 წლის ასაკში, დიდი შანსია მან ვერასოდეს შეძლოს ლაპარაკი. ამ მოსაზრებას დაუპირისპირდნენ მკვლევარები, რომლებიც ამტკიცებდნენ, რომ მეტყველების განვითარება შესაძლებელია სასკოლო ასაკშიც და შემდეგაც. აღნიშნული მოსაზრება დასტურდება კვლევებით, რომლებიც ჩატარდა 500 ზე მეტ ბავშვზე, აღნიშნული კვლევა გამოქვეყნებულია ჟურნალ Pediatrics - ში.
ბალტიმორის აუტიზმის და მასთან დაკავშირებული დარღვევების ცენტრში მომუშავე მეცნიერები დააკვირდნენ 8-დან 17 წლამდე ასაკის 535 ბავშვს, რომლებსაც მეტყველების შეფერხებისა და აუტიზმის დიაგნოზი 4 წლის ასაკში დაუსვეს. 4 წლის ასაკისათვის ამ ბავშვების მეტყველების შეფერხების დიაპაზონი ვარირებდა სრულიად მდუმარედან მხოლოდ ცალკეული სიტყვების და ფრაზების წარმოთქმის უნარის მქონეებამდე.

მკვლევარებმა დაადგინეს, რომ ამ ბავშვთა უმრავლესობა გადიოდა მეტყველების თერაპიას. მათმა თითქმის ნახევარმა (47 %) შემდეგში დაიწყო თავისუფლად მეტყველება. ორმა მესამედმა კი (70%) შეძლო მარტივი ფრაზებით ემეტყველა.